Cwestiwn: Sawl MIS sydd mewn BLWYDDYN? Ateb: DEUDDEG / un-deg-dau (12)

Mae’r flwyddyn yn troi fel olwyn …..
mae’r Nadolig yn dod yn ei dro a’r haf yn dilyn chwe mis wedyn.

Dyma enwau misoedd y flwyddyn yn eu tro.

Mae pob mis yn wahanol. Mae’r pethau sydd yn digwydd a’r pethau sydd i’w gweld yn newid bob mis, ac felly gallwn adnabod adeg y flwyddyn heb edrych ar y calendr.
Mae’r lluniau sy’n dilyn yn dangos rhywbeth sy’n perthyn i bob mis ond dydyn nhw ddim yn y drefn gywir e.e Llun 1 – nid ym mis Ionawr y byddwn ni’n gorwedd ar y traeth yn hanner noeth!

Ar ôl meddwl ac efallai trafod yn y dosbarth,
ysgrifennwch enw’r mis cywir wrth ochr pob llun.

[Byddai gwneud hyn mewn pensil yn syniad da i ddechrau os ydych chi’n gweithio ar gopi papur ond gallwch newid eich atebion yn haws ar sgrîn cyfrifiadur. Dydy ffitio pob un i mewn ddim yn hawdd a gall mwy nag un ateb fod yn gywir weithiau]

Beth arall sydd yn digwydd bob mis?
Meddyliwch yn arbennig am bethau sydd yn digwydd ym myd natur a chefn gwlad.

Cwblhewch y tabl trwy ysgrifennu brawddeg debyg am bob mis yn ei dro yn y drefn gywir. Mae dwy enghraifft yno yn barod.

Sylwch: mae angen i bob brawddeg ddechrau gyda Ym mis ..... [Gallwch wneud llun eich hun neu gael llun o storfa o fewn eich cyfrifiadur.]

1		Ym mis
2		Ym mis
3		Ym mis Mawrth mae'r ffermwyr yn brysur yn y caeau.
4		Ym mis Ebrill mae'r gwenoliaid yn cyrraedd.
5		Ym mis
6		Ym mis
7		Ym mis
8		Ym mis
9		Ym mis
10		Ym mis
11		Ym mis
12		Ym mis

Dyddiadur y Ditectif Blwyddyn.

Beth am gadw dyddiadur o’r newid sydd yn digwydd o fis i fis?

Gallwch nodi pob math o bethau sydd yn dangos sut mae’r flwyddyn yn symud ymlaen. Gallwch gadw llygad ar agor am gliwiau ble bynnag rydych yn byw, yn y dref ac yn y wlad.

Dyma restr o’r MATH o beth fydd yn bwysig ond byddwch chi, fel pob ditectif da, yn sylwi ar lawer iawn mwy na hyn.

clywed
y gog (y gwcw)
peiriant torri lawnt am y tro cyntaf

gweld
draenogod (yn fyw neu yn farw ar y ffordd)
gwenoliaid yn casglu ar y gwifrau teliffon
ffermwyr yn torri gwair
defaid wedi eu cneifio
garddwyr yn sgubo dail
yr eira cyntaf ar y bryniau

sylwi
ble mae’r haul yn codi ac yn machlud
pryd mae blodau gwahanol yn agor
pryd mae angen gwres yn y cartref

Oes gennych chi gamera?
Dyna i chi ffordd wych o gofnodi tystiolaeth ddiddorol.

Dim camera?
Ta waeth. Mae pob ditectif yn gorfod dysgu sut i wneud brasluniau a gallwch chi wneud yr un peth.