Wrth i ni ddefnyddio’r toiled does dim rhaid i ni ddefnyddio’r system gyhoeddus o waredu carthion o gwbl. Mae gwaredu’r holl garthion yn broblem enfawr, ac y mae llawer o feirniadu ar wledydd sydd yn llygru’r moroedd trwy wneud hyn. Mae gennym ni yng Nghanolfan y Dechnoleg Amgen brofiad dros chwarter canrif o ailgylchu carthion a’u prosesu i wrteithio cnydau organig.

Mae’r toiledau newydd yn y Ganolfan wedi eu gwneud o bridd, eu hinswleiddio â gwlân defaid a’u cynhesu gan system solar. Yn y bloc cewch ddau fath o doiled, un “normal” ac un compost. Dydy’r un “normal” ddim mor normal â hynny chwaith gan mai’r unig ddŵr sydd yn mynd yn agos at doiled-sefyll y dynion yw dŵr y defnyddiwr ei hun! Ac ychydig iawn o ddŵr – dŵr glaw glân, wrth gwrs - sydd ei angen i lifolchi y toiled-eistedd, diolch i’w system glyfar wedi ei seilio ar ddefnyddio grym allgyrchol i wahanu’r rhannau soled oddi wrth yr hylifau. Bacteria naturiol yn unig sydd yn gyfrifol am ddatgymalu’r rhannau soled. Nid twll o le oer, drewllyd, yng ngwaelod yr ardd mo’r toiled hwn, ond tŷ bach clyd, persawrus.

Math traddodiadol o doiled compost	Yr “Aquatron,” yn gwahanu’r baw o’r hylif
Y toiled compost	Dyma lle mae’r carthion yn troi’n wrtaith organig

1 Toiledau llifolch isel iawn. Dim ond 20% o ddŵr toiled cyffredin a ddefnyddir gan y toiledau hyn.

2 Toiled compost. Dyma’r math diweddaraf o doiled compost sydd yn cynhyrchu compost dros gyfnod o ddwy flynedd.

3 Aquatron. Math o doiled ydy hwn sydd yn defnyddio system allgyrchiol i wahanu’r rhannau soled a’u troi’n gompost.

4 Hidlen dŵr glaw. Mae hon yn sicrhau dŵr glaw glân i lifolchi’r toiled.

5 Cronfa i hel dŵr glaw sydd yn cael ei bwmpio oddi yno i’r tanc uwchben y toiled.

Mae Prydain yn un o’r gwledydd sydd wedi cael ei beirniadu am waredu carthion i’r môr mewn rhai ardaloedd, ac mae rhai traethau’n dal yn rhy llygredig i ni nofio yno yn ddiogel.