Arnom ni heddiw y gorffwys y cyfrifoldeb am warchod a chynnal etifeddiaeth yr amgylchedd. Hyrwyddo gofal o’r Winllan Wen ymhlith yr ifanc yw pwrpas y Gymdeithas, trwy gynorthwyo athrawon i gyfleu ymwybyddiaeth o gynanaladwyedd. Yn ôl y Canllawiau Datblygiad Cynaliadwy a gyhoeddwyd yn ddiweddar, “Mae’r ifanc yn haeddu ... deall y materion hanfodol sy’n wynebu’r blaned a gwybod sut y gallant chwarae rhan bersonol wrth helpu llunio’r dyfodol.”

Dyffryn Dysynni trwy hen borth yng Nghastell y Bere. Dewisais y llun hwn am ei fod yn cyfleu hanfod y neges yn berffaith: cynnal y presennol tra’n ymdrechu i ddiogelu’r hyn a etifeddwyd o’r gorffennol i’r cenedlaethau i ddod.

Yn ôl y ddameg, anfonodd yr Arglwydd weithwyr i’w winllan, a dyletswydd ysgolion yw hyfforddi’r ifanc i weithio er lles y blaned fach odidog a ymddiriedwyd i’n gofal. Dyna pam fod cymaint o gynnwys y gwerifyn hwn ar thema gwarchod a chynnal. Rhaid cofio hefyd fod athro’n aml yn ei gael ei hun yn llafurio’n annisgwyl mewn maes anghyfarwydd. Gobeithiwn fod llawer o erthyglau Gwaith Maes o fudd, nid yn unig i arbenigwyr a chynlluniau gwaith strwythuredig, ond hefyd i Miss Jones Cerddoriaeth yn wynebu dysgu dosbarth Mr. Davies Bioleg am wers ddwbl ar brynhawn dydd Gwener!

	Dan nawdd Asiantiaeth yr Amgylchedd.

Rhifyn Nesaf Tachwedd 2003