Fuoch chi allan am dro yn y nos erioed?
Pryd? Ble?
Beth welsoch chi? Glywsoch chi rywbeth diddorol?
Naddo? Os felly, beth fyddech chi’n disgwyl ei weld neu ei glywed – ar wahân i’r lleuad a’r sêr?

Gyda lampau da a goleuadau ymhobman, dydy’r nos fawr o anhawster i ni heddiw, ond roedd pethau’n wahanol gan mlynedd a mwy yn ôl. Os cewch chi gyfle i wersylla allan yng nghefn gwlad neu fynd am dro ymhell o’r dref, fe fyddwch chi’n dechrau gweld y fath wahaniaeth sydd rhwng nos go iawn a dydd. Dyna pam roedd pobl ers talwm yn arfer trefnu eu diwrnod neu daith er mwyn “cyrraedd adre cyn nos.”

Beth ydych chi’n ei hoffi am olau dydd?
A beth am dywyllwch y nos?
Oes rhywbeth dydych chi ddim yn ei hoffi?

Gall pobl ddewis mynd allan yn ystod oriau tywyllwch neu gefn dydd golau, ond does gan lawer o greaduriaid fawr o ddewis – maen nhw wedi esblygu i hel bwyd ac i gymdeithasu yn y nos NEU yn ystod y dydd. Pam hynny? Pa fantais sydd mewn byw yng ngolau’r haul neu dan gysgodion y nos?

ENW ................................................................     Dosbarth ................... Dyddiad ......................